Kjøpte Ioniq 19-modell i haust, til pendling 6 mil kvar veg. Kjempefornøgd på alle måtar, komfortabel, økonomisk og effektivt.

Men på tysdag begynte det å snø.

Vi er på det brattlendte Vestlandet, og då eg skulle opp bakkane heim tysdag kveld enda eg med å "kante" (snu 180 grader i motbakke og snu nedover fordi bilen byrjar gli bakover) tre gangar. (Med ungane i baksetet, hurra.) I går måtte vi ha to forsøk opp bakken heim, og i staden for den vanlige høgresvingen opp bakken må vi køyre omvei og få venstresving slik at vi får med oss nok fart til å spinne opp bakken. I dag enda vi med å køyre oss fast tre gangar på 2 km skyss til  skule og barnehage, og måtte skuast i gang på flat parkeringsplass.

Det står piggfrie Continental ContiViking på, kom med bilen, eg får 6-7 mm djupn når eg måler.

Kva er det eg gjer feil? Bør eg køyre med eit bestemt oppsett eller modus? Mykje eller lite regelendring? Eller bør eg rett og slett gå over til spark?

Takksam for innspel og forslag frå mer røynde eigarar.

Hei,

ser på to brukte Ioniq '19-modell.
Ein er køyrt 62K og har garantiprogram frå merkeforhandler.
Den andre er køyrt 32K og blir formidla av ein uavhengig bruktbilforhandler.

Prisfordelen er 10K fordel den som er køyrt lengst.
Synspunkt på kva for ein som er det beste valget? Takksam for innspel frå erfarne Hyundai - eigarar.

Takk for gode svar!

Behovet er nok primært ein pålitelig og økonomisk pendlarbil for ein. Låg pris og god drift er nok viktigare en "wow" - faktor og musklar.  (Det kunne sikkert vore betre presisert i første innlegg.) Vi får heller skeie ut når vi kjem til stor elbil til familien om eit par år.

Kor mykje tillegg i rekkevidde må eg rekne for vinterkøyring? Eg har rekna x2, men kanskje det er mykje? Og korleis vert straumforbruket ved mykje kø? Siste 1-2 mila er det tidvis ein del kø.

Hei,

pga ny jobb trengs det pendlarbil. Strekninga er 12,5 mil tilsammen t/r på europaveg. Den skal køyrast to (enkelte veker tre) gangar pr veke. Vi har ladeboks heime (Easee) men ingen elbil frå før.

Ut over det er kjekt med tak, ratt, sete og fire hjul har eg få krav til standard og utrustning. Kjøper gjerne brukt.

Kva slags elbil vil de med erfaring foreslå for eit slikt behov?

På førehand takk.

Hei. Vi har fått eit ok nr til Kona (ca 2000) og lurer på om vi skal gå for den i staden for å vente på Leaf med 60 kWh (lengste rekkevidde) slik vi opprinneleg har tenkt.
"Vi" er mor, far og 2 barn. Barna er 2,5 og 0,4 år. Vi køyrer no heilfossilt, men av økonomiske, teknologiske og ideologiske grunnar vil vi heller gå elektrisk. Av openberre grunnar er plass til 2 barnesete og 1 barnevogn ufråvikelege krav. Men det er vi såpass plassøkonomiske at vi klarer å få dette til i vår bil nr 2, ein småbil frå 2012 med 250 L bagasjerom.
Bilbehovet er p.t. lågt. Mor køyrer eldstebarnet i barnehagen og seg sjølv og minstejenta på aktivitetar i nærmiljøet dagleg med bil nr 1, ei  mellomklasse familiestasjonsvogn frå 2016. Dette er snakk om småturar på nokre minutt. Mitt bilbehov er svært lågt pga eg kan gå til jobb. Enkelte dagar (kanskje 5 pr mnd) krev jobben bil, og då held bil nr 2 lenge. Denne bilen blir også brukt til småærend lokalt.
Heile familien brukar bil nr 1 til familiebesøk 10 - 60 minutt unna kanskje 2-3 ggr pr mnd. Den blir også brukt til lengre transportar på 1-2 timar (flyplass, storhandel i næraste storby osv) kanskje 2-3 ggr pr kvartal. Så blir det 4 - 6 turar pr år til svigers 60 mil unna. Av og til vert dette kombinert med ein biltur i Sør-Norge. Det har også skjedd at vi har køyrt 40-50 mil for å vitje slektningar andre stadar i landet.
Bilbehovet i framtida er verre å spå pga neste vår går mor tilbake i jobb etter permisjon samtidig som mitt noverande engasjement kanskje vert avslutta. Og då kan det fort bli pendling i alt frå 10 til 60 km i neste jobb.
Planen vår var i utgangspunktet å skifte bil nr 1 ut med ein Leaf 60 kWh ila neste år. Men no er vi frista til å hoppe på Kona'en som vi trur vi vil få i haust i staden. Den blir då meir ein typisk erstattar for nr 2. Samtidig vil den jo dekke 80-90% av bilturane vi tek, ser det ut som. Kanskje Kona + leigebil x 6-8 vil funke bra? (Vi har alt booka prøvekøyring av bensin-Kona, men den ligg nokre dagar fram i tid.) Takksam for innspel og framlegg kring eigenskapane til dei to bilane, tenkemåte og val!